अभिलाष गुप्ता
पौष ०५ बिरगंज
Advertisement
आशा किरण केन्द्र वीरगंजको १० औं स्थापना दिवसको पुनित अवसरमा आज वीरगंजको टाउनहलमा नेपालकै प्रख्यात संगीतकार आनन्द कार्कीका साथ रात्रि भोज एवम् साङगीतिक कार्यक्रम सम्पन्न भएको छ। सो कार्यक्रमका प्रमुख अतिथी मुर्लिधर रुङटाको आतिथ्यमा एवम् अतिथिमा मुना देबि कानु, प्रकाश खन्डेवाल,अनिल पटवारी, उधोग बाणिज्यसंघका हरि गौतम, बिनोद मेहता,बिरगंज उधोग बाणिज्यसंघका निबर्तमान अध्यक्ष एवम् उधोगपति सुबोध गुप्ता,बिरगंज महानगरपालिकाको पुर्व मेयर बिजय सरावगी लगाएत विभिन्न व्यापारीवर्ग,विभिन्न संघ संस्थाका पदाधिकारीहरु,सहयोगी दाताहरुको उल्लेखनीय उपस्थिति रहेको थियो।
Advertisement
आजको कार्यक्रमका प्रमुख अतिथी मुर्लिधर रुङटाले दिप प्रजवल्न गरि उद्घाटन गरेका थिए।
यो आशा किरण केन्द्र वीरगंजमा आज भन्दा १० बर्ष अगाडि सुनिल गुप्ताको अध्यक्षतामा यो संस्था गठन भएको थियोे।यो संस्थामा सुस्त मनोस्थिती,मस्तिष्क पक्षाघात एवं विभिन्न कारणले मन्सिक रुपमा विकलांक भएका बालबालिकाहरुको उचित स्याहार सुसार,पठनपाठन तथा स्वयमसक्षम हुने
प्रशिक्षण इत्यादी कार्यहरु गर्दै आईरहेको छ। सुरुको दिनमा यो संस्थाले एक जना बच्चा बाट यो सेवा सुचारु गरेका थिए भने आजको दिनमा ४२ जना बच्चाहरु लाई यो संस्थाले प्रत्यक्ष रुपमा निशुल्क सेवा प्रदान गर्दै आएको छ। सो कार्यक्रममा बिरगंज उधोग बाणिज्यसंघ बिरगंजका पुर्व अध्यक्ष एवं वरिष्ठ समाजसेवी तथा यस आशा किरण केन्द्र वीरगंजका आजिवन सदस्य गणेश लाठ एवम् महासचिव राजन श्रीवास्तव, सदस्य नुतन सरावगि तथा यस आशा किरण केन्द्र वीरगंजका पदाधिकारी एवं शिक्षिकाहरुको तथा बिरगंज बाट बाहिरका अतिथीहरुको पनि उपस्थिति रहेको थियो।
Advertisement
आजको कार्यक्रममा विशेष अतिथीकोरुपमा नेपालकै प्रख्यात संगीतकार आनन्द कार्कीले विभिन्न नेपाली तथा हिन्दी गित प्रस्तुत गरेका थिए। आजको कार्यक्रममा आशा किरण केन्द्र वीरगंजमा बालबालिकाहरु द्वारा आफुले सिखेका विभिन्न शिपमुलक कलाहरु प्रस्तुत गरेका थिए।
आशा किरण केन्द्र वीरगंजका मनिष आस्वानीको भनाई अनुसार विभिन्न ठाउ बाट बालबालिकाहरु लाई स्कुल देखि घर सम्म लयाउन लैजान यातायात सुबिधाको अति नै आवस्यकता रहेकोले सहयोग गर्न सम्पुर्ण स्थानीय जनप्रतिनिधि एवम् समाजसेवीहरु लाई अनुरोध गर्दै अहिले सम्म सबै सहयोगी दाताहरुको साथ सहयोगले संस्था राम्रोसँग संचालन भैरहेकोले सबैजना महानुभवहरुलाई विशेष धन्यवाद प्रकट गरेका थिए।
कार्यक्रमको स्वागत मन्तव्य बिनोद मेहताले गरेका थिए भने कार्यक्रम सहजीकरण आशा किरण केन्द्र वीरगंजका मनिष आस्वानीले गरेका थिए।
प्रतिक्रिया