अभिलाष गुप्ता
माघ ११ बिरगंज
Advertisement
बिरगंज उद्योग वाणिज्य संघका पदाधिकारीहरुले रक्सौलका अनुमण्डल पदाधिकारी तथा डिएसपीसँग भेट गरेका छन ।
भेटघाटका क्रममा संघका अध्यक्ष अनिलकुमार अग्रवालले रक्सौलको विमानस्थल यथाशीघ्र सञ्चालनमा ल्याउन, रेल्वे क्रसिङ्गमा आकाशे पुलको अभावमा दुवै देशका जनताहरुले घण्टौं जाममा परी कष्ट भोग्नु परिरहेकोले यथाशीघ्र आकाशे पुलको निर्माण गर्न र नेपाल–भारत बीचको खुला सिमानाका कारण गलत गतिविधि भइरहेकोले सोलाई नियन्त्रण गर्न आग्रह गरे ।
उनले नेपाल र भारत दुवै देशलाई आर्थिक, सामाजिक र सांस्कृतिक फाइदा पु-याउने विश्वास व्यक्त गरे ।
अनुमण्डल उप–जिल्ला अधिकारी शिवाक्षी दिक्षीतले रक्सौलमा एयरपोर्ट निर्माणको लागि आफुले पहल गरिरहेको बताइन् । एयरपोर्ट निर्माणको लागि स्थलगत निरीक्षण भई सकेको र निर्माण कार्य पनि चाँडै शुरु हुने उनले जानकारी गराइन् ।
Advertisement
भेटघाटमा सङ्घका उपाध्यक्ष माधव राजपाल, सचिव प्रेमचन्द्र गोयल, सहसचिव नरेश टिबडेवाल, स्थानीय समाजसेवी महेश अग्रवाल, पत्रकार प्रणय कुमार लगायतको सहभागिता रहेको
थियो ।
Advertisement
प्रतिक्रिया