अभिलाष गुप्ता
माघ २७ बिरगंज
Advertisement
जनमतपार्टी,पर्साको लोककल्याणकारी अभियान अन्तर्गत चलिरहेको निशुल्क आखा शिविर अन्तर्गत आज पर्सा जिल्ला जगरनाथपुर गापा वडा न.३ खलुचडीमा १५ औं शिविर सम्पन्न भएको छ । आजको शिविरमा १५९ जना महिला /पुरुष चेकजाँच गराई लाभान्वित भएका छन् । सो मध्ये ५४ जनामा मोतियाबिन्द भेटिएको जनमत पार्टी पर्साका अध्यक्ष ओमप्रकाश सरार्फले जानकारी गराए । मोतियाबिन्दु भएकाकोहरुको शल्यक्रिया वीरगन्ज सामुदायिक आखा केन्द्रमा निशुल्क रुपमा गरिने अध्यक्ष सरार्फले बताए ।
जनमत पार्टी क्षेत्र न.४ का संयोजक बृजेश्वर चौधरीको अध्यक्षतामा सम्पन्न कार्यक्रम गादीमाई साझेदारी वन उपभोक्ता समुहका अध्यक्ष सहरुम राउत गद्दी , स्थानीय अगुवाहरु सोनालाल रौनियार ,मदिस राउत गद्दी ,तबरेज राउत गद्दी प्रहरी सहायक निरीक्षक पल्टु ठाकुर जनमतका नेताहरू जय भोले, रुक्सना खातुन लगायतको सक्रिय सहभागीता रहेको थियो ।
हाम्रो अभियानबाट अहिले सम्म १८ सय ६० भन्दा बढी जन समुदाय लाभान्वित भएका छन भने ५१० भन्दा बढीको मोतिया बिन्दको शल्यक्रिया सफलता पुर्वक सम्पन्न भएको जिल्ला अध्यक्ष सरार्फले उल्लेख गरे । यो अभियान पर्साको गाउँ देखि सहर सम्म जारी नै रहने अध्यक्ष सरार्फले बताए।
Advertisement
प्रतिक्रिया