नागरिक न्युज डेस्क, चैत्र १२,पर्सा : यस वर्षको चैती छठमा सरिसवा सिर्सिया नदी झन् प्रदूषित हुने सङ्केत देखिएको छ । वीरगञ्ज महानगरपालिकाअन्तर्गतका उद्योगहरूले प्रदूषित पानी नदीमा नबगाए पनि बारा जिल्लाका जीतपुरसिमरा उपमहानगरपालिका र परवानीपुर गाउँपालिकाका केही उद्योगहरूले अटेरी गर्दै सिर्सियामा विषाक्त पानी मिसाउने क्रम जारी राखेका छन् ।
वीरगञ्ज महानगरपालिकाले चैती छठलाई ध्यानमा राखी सिर्सिया नदी प्रदूषणबारे निरन्तर अनुगमन गरिरहेको छ । तर, बारा जिल्लाका उद्योगहरूले महानगरको अनुगमन टोलीलाई असहयोग गरिरहेको वातावरण अधिकृत प्रकाश ऐरले बताए । उनका अनुसार जीतपुरसिमराको कृष्ण डाल्डा उद्योग, शिवशक्ति र नन्दन घ्यू उद्योग, कोहिनूर टेक्सटाइल्स, परवानीपुर गाउँपालिकाको अमृत तेल रिफाइनरी, महालक्ष्मी तेल रिफाइनरी र नारायणी तेल मिलले प्रदूषित पानी खेत हुँदै नदीमा मिसाइरहेका छन् ।अनुगमन टोलीलाई उद्योगहरूमा प्रवेशसमेत रोकिएको छ भने, जिल्लाका प्रमुख प्रशासकीय अधिकृतहरूले दिएको अनुगमन अनुमति पत्रसमेत उद्योगहरूले बेवास्ता गरेका छन् । अधिकृत ऐरका अनुसार सिर्सिया नदीको मूल मुहान रामवनबाट आउने पानी सुकेका कारण अहिले नदीमा मात्र प्रदूषित औद्योगिक फोहोर पानी बगिरहेको छ । उनले बारा जिल्लाका उद्योगहरूकै कारण ८५ प्रतिशत नदी प्रदूषण बढेको आरोप लगाए ।वीरगञ्ज महानगरपालिका क्षेत्रका उद्योगहरूले भने केही सुधार देखाएको ऐरले बताए । अरनिको र सिद्धि टेक्सटाइल्सले पोखरी निर्माण गरी प्राकृतिक रूपमा पानी प्रशोधन गरिरहेको छ भने, सुशील वनस्पति र निम्बस उद्योगले प्रदूषित पानी विसर्जन गरेको सूचनाका आधारमा अनुगमन गर्दा प्राविधिक समस्या देखिएको र सुधार भइसकेको जानकारी दिए ।नगरप्रमुख राजेशमान सिंहले तीन वर्षअघि सिर्सिया नदी प्रदूषणमुक्त पार्ने अभियान चलाएका थिए,
Advertisement
प्रतिक्रिया