,क्यानबेरा : अष्ट्रेलियाली प्रधानमन्त्री एन्थोनी अल्बानिजले बालबालिकाको बाल्यकाल सुनिश्चित गर्न सामाजिक सञ्जालमा प्रतिबन्ध लगाएको बताएका छन्। आज देखि लागू भएको सामाजिक सञ्जाल प्रतिबन्धमा समर्थन गरेकोमा अल्बानिजले मंगलवार अष्ट्रेलियाका राज्य र क्षेत्रका नेताहरूलाई धन्यवाद दिए। यो सांस्कृतिक परिवर्तन हो। १६ वर्षमुनिका बालबालिकाका लागि सामाजिक सञ्जालमा प्रतिबन्ध लगाउने अष्ट्रेलियाको विश्वकै पहिलो देश हो। अभिभावकहरूलाई मानसिक शान्ति दिन र अष्ट्रेलियाली बालबालिकाको बाल्यकाल सुनिश्चित गर्न यस्तो प्रतिबन्ध लगाउनुपरेको उनले बताए। नोभेम्बर २०२४ मा संघीय संसद्ले पारित गरेको कानून अन्तर्गत केही सामाजिक सञ्जाल प्लाटफर्मले १६ वर्षमुनिका बालबालिकालाई खाता बनाउनबाट रोक्न उचित कदम चाल्नुपर्छ।
Advertisement
अहिलेसम्म १० सामाजिक सञ्जाल प्लाटफर्मलाई प्रतिबन्ध लागू गर्न निर्देशन दिइएको छ। फेसबुक, इन्स्टाग्राम, स्न्यापच्याट, थ्रेड्स, टिकटक, ट्विच, एक्स, युट्युब, किक र रेडिट प्रतिबन्ध गर्न निर्देशन दिइएको हो। अधिकारीहरूले आवश्यकतानुसार सूची अद्यावधिक गर्न सक्छन्।भिडियो सन्देशमा अल्बानिजले सरकारले एल्गोरिदम, अनन्त सामाजिक सञ्जाल फिडहरू र उनीहरूले ल्याउने दबावका साथ हुर्केका बालबालिकालाई सहयोग गर्न परिवर्तन गरेको बताए। कानूनअन्तर्गत प्रतिबन्ध उल्लङ्घन गरेकोमा आमाबुबा र बालबालिकालाई दण्डित गरिने छैन। यसलाई लागू गर्ने जिम्मेवारी पूर्ण रूपमा सामाजिक सञ्जाल प्लाटफर्महरूमा राखिएको छ। गम्भीर वा बारम्बार नियम उल्लंघन गर्ने प्लाटफर्महरूले ४ करोड ९५ लाख अष्ट्रेलियाली डलर (लगभग ४ अर्ब ७२ करोड ८८ लाख रुपैयाँ) सम्मको जरिवाना भोग्नुपर्नेछ।
Advertisement
प्रतिक्रिया